сургах
Зөв бичгийн дүрмийн толинд бүртгэлтэй
Тайлбар
- 1.Эрдэм мэдлэг олгох, зааж өгөх
- 2.Хүний буруутай үйл явдлыг зааж хэлж өгөх
- 3.Эмнэг морь малыг унах, хөллөх, ачих зэрэг эдэлгээнд дасгаж номхруулах
Ойролцоо үг
Англи утга
- үйл үгto teach; to train; to instruct
Үйл үгийн хувирал
| Үйлдэх нэр (-х) | сургах |
|---|---|
| Одоо ирээдүй цаг (-на) | сургана |
| Өнгөрсөн цаг (-лаа) | сургалаа |
| Өнгөрсөн цаг (-в) | сургав |
| Өнгөрсөн цаг (-жээ) | сургажээ |
| Үйлдсэн нэр (-сан) | сургасан |
| Хэвшсэн нэр (-даг) | сургадаг |
| Холбох нөхцөл (-ж) | сургаж |
| Урьдчилах нөхцөл (-аад) | сургаад |
| Болзох нөхцөл (-вал) | сургавал |
| Хүсэх (-маар) | сургамаар |
| Захирах (-аарай) | сургаарай |
| Үгүйсгэх (-хгүй) | сургахгүй |
Дүрмээр үүсгэж, зөв бичгийн дүрмийн толиор шалгасан. Толинд олдоогүй хэлбэрийг «—» гэж үлдээсэн.
Нийлмэл үг
ажилд сургах — ажил хийлгэх, ажил яаж хийдгийг зааж өгөх
амьдралд сургах — амьдралын туршлагатай болгох, амьдралын зах зухаас мэдрүүлэх
анд сургах — ан хийхийг зааж өгөх
бичиг үсэгт сургах — бичиг үсэгтэй болгох
ном сургах — сургууль явуулах, эрдэм мэддэг болгох
хөдөлмөрт сургах — хөдөлмөр хийлгэх
эрдэмд сургах — төрөл бүрийн ажил мэргэжил, хичээл ном заах
муу зан сургах — элдэв гаж муу зуршилтай болох
сурган хэлэх — алдаа оноог нь ялган зааж хэлэх
зэмлэн сургах — алдаа эндэгдлийг нь буруушаан тодорхой хэлж өгөх
даага сургах — даагыг улага эдэлгээнд дасгах
морь тэргэнд сургах — морь тэргэнд хөллөхөд дасгах
уналгад сургах — уналга ачлаганд дасгах, номхон болгох
харцага сургах — харцгыг хүний эрхшээлд оруулах, ан хийж чаддаг болгох
эмнэг сургах — ороо догшин морийг номхон болгож уналга ачлаганд хэрэглэх
нохойгоо анд сургах — нохойд ан барих чадвар суулгах
Хэлц үг
Инээх хүн олон олдох
Сургах хүн цөөн олдох
Судлах юманд суурьтайхан
Сургах юманд буурьтайхан
Сурах хүнд зориг
Сургах хүнд арга
Зүйр цэцэн үг
Ах нь сургадаг
Дүү нь сонсдог
Сурахад бүү алжаа
Сургахад бүү халир
Хоршоо үг
заах сургах — тухайн зүйлийг хэрхэн, яаж хийхийг зааварлах
Үгийн гарал
сур (sur, “to learn”) + -гах (-gax). Akin to Buryat һургаха (hurgaxa).
Илүү дэлгэрэнгүй тайлбарыг Монгол хэлний их тайлбар толь (mongoltoli.mn)-оос харна уу.